Ümummilli Lider Heydər Əliyevin anadan olmasının 100 illiyi münasibətilə Azərbaycan Özəl Təhsil Müəssisələri Assosiasiyası tərəfindən assosiasiyaya üzv məktəblər arasında təşkil olunan I Super Liqa Oyunları çərçivəsində minifutbol çempionatı 27 apreldə yekunlaşdı.

Finalda Hədəf Liseyi komandası ilə Evrika Liseyi komandası gərgin mübarizə apardılar. Çempionatın qalibi Evrika Liseyi komandası oldu. Çempionatın 3-cü yeri uğrunda Zirvə Liseyi və LANDAU School mübarizə apardı. Bərabər hesabla bitən oyun sonrası penalti hissəsində Zirve liseyi komandası fərqlənə bildi.

Çempionatın qalibi Evrika Liseyini təbrik edir, əzmkarlıqla mübarizə aparan bütün komandalara gələcək Super Liqada uğurlar arzu edirik.

I Super Liqa Oyunlarının direktoru, Azərbaycan Özəl Təhsil Müəssisələri Assosiasiyasının sədri Heydər Eminli və dəyərli qonaqlar qalibləri sertifikat və medallarla, həmçinin 1-ci, 2-ci və 3-cü yerin qalibi olan komandaları Super Kubokla təltif etdilər.

Çempionatın bas sponsoru Azərbaycan Tikinti İstehsalçıları Assosiasiyası və sponsor və rəsmi tərəfdaşlara, Kiçik və Orta Biznesin İnkişafı Agentliyi - KOBİA, British School in Baku, LANDAU School, XXI Əsr Beynəlxalq Təhsil və İnnovasiya Mərkəzi, Evrika Liseyi, Dərs Evi, Maestro School və American Councils for International Education Azerbaijana təşəkkür edirik.